PALABRA DE NOZ: SÍNDROME MATERNAL

POR QUE

ISTO NON É UN LIBRO. Se o fose, levaría ese título. O prólogo e a sinopse serían estes:

“ISTO NON É UN LIBRO por dous motivos, fundamentalmente:
Primeiro, porque nunca pretendeu selo. Ningún dos textos se escribiu pensando na posible publicación. Se chegaron ata aquí, foi grazas ós empurróns de persoas que os leron e que me queren ben. Algúns foron rescatados do fondo da hucha; outros, aínda fumean. Hainos que saíron directamente do corazón; tamén os hai feitos por encarga cerebral. Todos, de escasas palabras; pero de longa elaboración. E segundo, porque estrutura, contidos, prosa e poesía enceréllanse adrede coa humilde intención de sorprender ó lector. Confío na súa boa vontade para deixarse levar”.

“Isto non é un libro. É un feixe de faíscas con formas caprichosas de poemas, relatiños ou ocorrencias, amarradas por unha fráxil trenza de palabra, sentir e vida. Nas mans do lector queda a decisión de outorgarlles ou non a liberdade”.

(Imaxe baixada de internet)

Non elixiu ser nai. Un desgraciado decidiu por ela nun portal. Pero cada sorriso da súa adorada filla vai cambiando o odio polo agradecemento.

No eligió ser madre. Un desgraciado decidió por ella en un portal. Pero cada sonrisa de su adorada hija va cambiando el odio por agradecimiento.

SOBRE AS ENTRADAS

Os textos das entradas aparecerán en tres idiomas: galego, castelán e inglés. Só unha razón: que os lean máis de catro familiares e tres amigas. Do paso de galego a castelán (ou viceversa) será culpable a autora, asesorada esporádicamente por J. L. Graña Muíño; e da versión inglesa encargarase o tradutor Marcos Graña Nogueira. A maioría das traducións non serán literais, senón libres, conservando, iso si, o estilo e o contido do orixinal.

A publicación das entradas en galego e castelán será simultánea; o ritmo da versión inglesa marcarao a dispoñibilidade do tradutor.

Irán etiquetadas por temas e por tipo de texto. Os distintos textos dun mesmo tema compartirán cor de letra e música de fondo.

Accede ás entradas antigas desde o fondo da páxina principal, desde o índice de etiquetas ou desde o arquivo do blog (nesta columna).

Algunhas imaxes son fotografías propias; as outras foron extraídas de Google. Se non fago referencia expresa dos autores, é polo complicado que se fai sabelo con exactitude en moitos casos. Todo o meu respecto e gratitude para eles.

PALABRA DE NOZ

POR QUE

21 dic 2011

SÍNDROME MATERNAL

3 comentarios: