POR QUE


Os textos que aparecerán nesta páxina estiveron a piques de ser publicados hai uns meses por unha editorial galega, co título ISTO NON É UN LIBRO. A falta de paciencia e de verdadeiro interese fixeron que desistise. Hoxe, a primeiros de xullo de 2010, por darlle gusto a unha boa amiga que non parou ata convencerme, arrinco con este blog, onde irei colgando os contidos daquel libro posible e outras ideas que vaian xurdindo.

E para empezar, transcribo o prólogo e a sinopse que levaba:

“ISTO NON É UN LIBRO por dous motivos, fundamentalmente:
Primeiro, porque nunca pretendeu selo. Ningún dos textos se escribiu pensando na posible publicación. Se chegaron ata aquí, foi grazas ós empurróns de persoas que os leron e que me queren ben. Algúns foron rescatados do fondo da hucha; outros, aínda fumean. Hainos que saíron directamente do corazón; tamén os hai feitos por encarga cerebral. Todos, de escasas palabras; pero de longa elaboración. E segundo, porque estrutura, contidos, prosa e poesía enceréllanse adrede coa humilde intención de sorprender ó lector. Confío na súa boa vontade para deixarse levar”.

“Isto non é un libro. É un feixe de faíscas con formas caprichosas de poemas, relatiños ou ocorrencias, amarradas por unha fráxil trenza de palabra, sentir e vida. Nas mans do lector queda a decisión de outorgarlles ou non a liberdade”.

14 jun. 2011

DÍA E NOITE / DÍA Y NOCHE

                                                                                                                                                 
De internet.- Casa de Marcial Valladares (Vilancosta)

O día dorme.
Para que a noite negra
poida xogar.



A noite esperta.
Para que o día, canso,
poida durmir.




El día duerme.
Porque la noche negra
quiere jugar.

La noche vela.
Porque el día cansado
quiere dormir.

9 comentarios:

suaseiras dijo...

Moi chulo..., e moi chula a imaxe.

Como traballas!!

Madoé dijo...

Á imaxe cheguei de casualidade despois de ver tropecentas, coma sempre. Pero estaba aí agardando por min.

¿Traballar, dis? Isto é máis ben enredar.

Rascacheira dijo...

Pois a min dáme algho de medo...

Madoé dijo...

A min, ningún. Pero xogo con ventaxa, coñézoa en persoa, por fóra e ata algo por dentro...

Rascacheira dijo...

Falas da noite, claro!!! E logo o día???
Eu falaba da imaxe, non da noite...

Madoé dijo...

¡Eu tamén falaba da imaxe! Dígoche que coñezo a casa esa.

Rascacheira dijo...

Ahhh... !!! Pois será por iso... porque se non...

Eutimos dijo...

Es muy sencillo pero tiene un ritmo y una cadencia especial sugerente del eterno ciclo de la luz y la sombra. Me ha gustado mucho

Madoé dijo...

E a min gústame que che guste.
(Y a mi me gusta que te guste).