POR QUE


Os textos que aparecerán nesta páxina estiveron a piques de ser publicados hai uns meses por unha editorial galega, co título ISTO NON É UN LIBRO. A falta de paciencia e de verdadeiro interese fixeron que desistise. Hoxe, a primeiros de xullo de 2010, por darlle gusto a unha boa amiga que non parou ata convencerme, arrinco con este blog, onde irei colgando os contidos daquel libro posible e outras ideas que vaian xurdindo.

E para empezar, transcribo o prólogo e a sinopse que levaba:

“ISTO NON É UN LIBRO por dous motivos, fundamentalmente:
Primeiro, porque nunca pretendeu selo. Ningún dos textos se escribiu pensando na posible publicación. Se chegaron ata aquí, foi grazas ós empurróns de persoas que os leron e que me queren ben. Algúns foron rescatados do fondo da hucha; outros, aínda fumean. Hainos que saíron directamente do corazón; tamén os hai feitos por encarga cerebral. Todos, de escasas palabras; pero de longa elaboración. E segundo, porque estrutura, contidos, prosa e poesía enceréllanse adrede coa humilde intención de sorprender ó lector. Confío na súa boa vontade para deixarse levar”.

“Isto non é un libro. É un feixe de faíscas con formas caprichosas de poemas, relatiños ou ocorrencias, amarradas por unha fráxil trenza de palabra, sentir e vida. Nas mans do lector queda a decisión de outorgarlles ou non a liberdade”.

7 jul. 2011

FERRUXE /ÓXIDO

(Imaxe baixada de internet)




Cerrei a billa, pero seguía pingando. Non quería perder nin unha gota e intentei recollelas. Tempo perdido. Cando a fonte non mana libre, non enche nada. Tiven morriña do manancial e deille á chave. Enferruxara. Xa non a dei aberto. Segue pingando, segue oxidando. Cada vez, menos.





Cerré el grifo, pero seguía goteando. No quería perder ni una gota e intenté recogerlas. Tiempo perdido. Cuando la fuente no mana libre, no llena nada. Tuve nostalgia del manantial y así la llave. Había oxidado. Ya no pude abrirla. Sigue goteando, sigue oxidando. Cada vez, menos.

4 comentarios:

Rascacheira dijo...

Probaches con Coca Cola?

suaseiras dijo...

Mmm...,coidado!!
Hai un producto para o ferruxe que funciona, mellor dito, hai varios...

Madoé dijo...

Si, probei a cacacola, pero estríñeme :-)
Agora estou probando unha receita a base de xarope de autohostias. Xa vos direi que tal.

suaseiras dijo...

Esa,esa funciona,vai a cachos, non vai a ser que rompa...Jajaja.