PALABRA DE NOZ: VIDA CHEA / VIDA LLENA

POR QUE

ISTO NON É UN LIBRO. Se o fose, levaría ese título. O prólogo e a sinopse serían estes:

“ISTO NON É UN LIBRO por dous motivos, fundamentalmente:
Primeiro, porque nunca pretendeu selo. Ningún dos textos se escribiu pensando na posible publicación. Se chegaron ata aquí, foi grazas ós empurróns de persoas que os leron e que me queren ben. Algúns foron rescatados do fondo da hucha; outros, aínda fumean. Hainos que saíron directamente do corazón; tamén os hai feitos por encarga cerebral. Todos, de escasas palabras; pero de longa elaboración. E segundo, porque estrutura, contidos, prosa e poesía enceréllanse adrede coa humilde intención de sorprender ó lector. Confío na súa boa vontade para deixarse levar”.

“Isto non é un libro. É un feixe de faíscas con formas caprichosas de poemas, relatiños ou ocorrencias, amarradas por unha fráxil trenza de palabra, sentir e vida. Nas mans do lector queda a decisión de outorgarlles ou non a liberdade”.

recitado

A morte está sempre á espreita
agardando que teñas a vida chea.
Chea de vida ou de futuro;
de feridas, dor ou desenganos;
xuventude, anos ou rutinas;
esperanzas, soños ou proxectos;
desamor, cariños ou fracasos...

(Imaxe baixada de internet)

A miña está acugulada de ocos.
Vaime estoupar como unha bincha.

Xa sinto o seu alento na caluga.

La muerte está siempre alerta

esperando que tengas la vida llena.

Llena de vida o de futuro;

de heridas, dolor o desengaños;

juventud, años o rutinas;

esperanzas, sueños o fracasos...
La mía está colmada de huecos.
Me va a reventar como un globo.
Ya siento su aliento en la nuca.

SOBRE AS ENTRADAS

Os textos das entradas aparecerán en tres idiomas: galego, castelán e inglés. Só unha razón: que os lean máis de catro familiares e tres amigas. Do paso de galego a castelán (ou viceversa) será culpable a autora, asesorada esporádicamente por J. L. Graña Muíño; e da versión inglesa encargarase o tradutor Marcos Graña Nogueira. A maioría das traducións non serán literais, senón libres, conservando, iso si, o estilo e o contido do orixinal.

A publicación das entradas en galego e castelán será simultánea; o ritmo da versión inglesa marcarao a dispoñibilidade do tradutor.

Irán etiquetadas por temas e por tipo de texto. Os distintos textos dun mesmo tema compartirán cor de letra e música de fondo.

Accede ás entradas antigas desde o fondo da páxina principal, desde o índice de etiquetas ou desde o arquivo do blog (nesta columna).

Algunhas imaxes son fotografías propias; as outras foron extraídas de Google. Se non fago referencia expresa dos autores, é polo complicado que se fai sabelo con exactitude en moitos casos. Todo o meu respecto e gratitude para eles.

PALABRA DE NOZ

POR QUE

12 abr 2011

VIDA CHEA / VIDA LLENA

5 comentarios: