POR QUE
ISTO NON É UN LIBRO. Se o fose, levaría ese título. O prólogo e a sinopse serían estes
:“ISTO NON É UN LIBRO por dous motivos, fundamentalmente:
Primeiro, porque nunca pretendeu selo. Ningún dos textos se escribiu pensando na posible publicación. Se chegaron ata aquí, foi grazas ós empurróns de persoas que os leron e que me queren ben. Algúns foron rescatados do fondo da hucha; outros, aínda fumean. Hainos que saíron directamente do corazón; tamén os hai feitos por encarga cerebral. Todos, de escasas palabras; pero de longa elaboración. E segundo, porque estrutura, contidos, prosa e poesía enceréllanse adrede coa humilde intención de sorprender ó lector. Confío na súa boa vontade para deixarse levar”.
“Isto non é un libro. É un feixe de faíscas con formas caprichosas de poemas, relatiños ou ocorrencias, amarradas por unha fráxil trenza de palabra, sentir e vida. Nas mans do lector queda a decisión de outorgarlles ou non a liberdade”.
4 comentarios:
Aviso para os amantes do inglés: tarde, ben e arrastro, o meu tradutor particular reapareceu. Están traducidas recentemente: PENUMBRA, MOITA GATA, A DESTEMPO, CASTAÑAS, NUBES e ALTA TENSIÓN.
Demasíado triste para mi situación actual.
Entendo. Síntoo.
Qedáramos en que había varios tipos de bágoas, non??
Vamos Eutimos!!
Publicar un comentario