POR QUE


Os textos que aparecerán nesta páxina estiveron a piques de ser publicados hai uns meses por unha editorial galega, co título ISTO NON É UN LIBRO. A falta de paciencia e de verdadeiro interese fixeron que desistise. Hoxe, a primeiros de xullo de 2010, por darlle gusto a unha boa amiga que non parou ata convencerme, arrinco con este blog, onde irei colgando os contidos daquel libro posible e outras ideas que vaian xurdindo.

E para empezar, transcribo o prólogo e a sinopse que levaba:

“ISTO NON É UN LIBRO por dous motivos, fundamentalmente:
Primeiro, porque nunca pretendeu selo. Ningún dos textos se escribiu pensando na posible publicación. Se chegaron ata aquí, foi grazas ós empurróns de persoas que os leron e que me queren ben. Algúns foron rescatados do fondo da hucha; outros, aínda fumean. Hainos que saíron directamente do corazón; tamén os hai feitos por encarga cerebral. Todos, de escasas palabras; pero de longa elaboración. E segundo, porque estrutura, contidos, prosa e poesía enceréllanse adrede coa humilde intención de sorprender ó lector. Confío na súa boa vontade para deixarse levar”.

“Isto non é un libro. É un feixe de faíscas con formas caprichosas de poemas, relatiños ou ocorrencias, amarradas por unha fráxil trenza de palabra, sentir e vida. Nas mans do lector queda a decisión de outorgarlles ou non a liberdade”.

28 dic. 2014

SEGREDO DE FAMILIA / SECRETO DE FAMILIA


(Imaxe baixada de internet)

Estaba de aniversario e levou os colegas de merenda á fraga. O luar permitiu que a festa se alongase más do debido. Cerca da media noite, o anfitrión desapareceu. De alí a pouco, ouveou o lobo. Os amigos, asustados, fuxiron sen agardar por el. Foron avisar ós pais, e non entenderon a resposta:  
 -Xa volverá cando abra o día…                                                                                                           




Estaba de cumpleaños y llevó a los colegas de merienda al bosque. La luz de la Luna permitió que la fiesta se prolongara más de lo debido. Cerca de media noche, el anfitrión desapareció. Al poco rato, aulló el lobo. Los amigos, asustados, huyeron sin esperar por él. Fueron a avisar a los padres, y no comprendieron la respuesta:
-Ya volverá cuando despunte el día...


No hay comentarios: