PALABRA DE NOZ: COIDADOSA / CUIDADOSA

POR QUE

ISTO NON É UN LIBRO. Se o fose, levaría ese título. O prólogo e a sinopse serían estes:

“ISTO NON É UN LIBRO por dous motivos, fundamentalmente:
Primeiro, porque nunca pretendeu selo. Ningún dos textos se escribiu pensando na posible publicación. Se chegaron ata aquí, foi grazas ós empurróns de persoas que os leron e que me queren ben. Algúns foron rescatados do fondo da hucha; outros, aínda fumean. Hainos que saíron directamente do corazón; tamén os hai feitos por encarga cerebral. Todos, de escasas palabras; pero de longa elaboración. E segundo, porque estrutura, contidos, prosa e poesía enceréllanse adrede coa humilde intención de sorprender ó lector. Confío na súa boa vontade para deixarse levar”.

“Isto non é un libro. É un feixe de faíscas con formas caprichosas de poemas, relatiños ou ocorrencias, amarradas por unha fráxil trenza de palabra, sentir e vida. Nas mans do lector queda a decisión de outorgarlles ou non a liberdade”.

15 jul 2022

COIDADOSA / CUIDADOSA

(Imaxe procedente de internet)

Está esgotada de tanto limpar. Bótalle unha ollada máis a súa nai. Senta no sofá e prende a televisión. Recorre os programas todos buscando algo interesante. Detense nunha conexión en directo; un reporteiro ofrece o micrófono a varios veciños que denuncian na rúa o cheiro procedente dunha vivenda da comunidade. Apaga. Completa a lista da compra: lixivia, ambientador, incenso, ferrollo grande... Arrepíntese de non ter mercado o conxelador que estivo de oferta a semana pasada. Axexa pola ventá. Non pode saír mentres sigan as cámaras diante do seu edificio.

Está agotada de tanto limpiar. Le echa un vistazo más a su madre. Se sienta en el sofá y enciende el televisor. Recorre los programas todos buscando algo interesante. Detiene el rastreo en una conexión en directo; un reportero ofrece el micrófono a varios vecinos que denuncian en la calle el hedor procedente de una vivienda de la comunidad. Apaga. Completa la lista de la compra: lejía, ambientador, incienso, cerrojo grande... Se arrepiente de no haber comprado el congelador que estuvo de oferta la semana pasada. Acecha por la ventana. No puede salir mientras sigan las cámaras delante de su edificio.

No hay comentarios:

Publicar un comentario

SOBRE AS ENTRADAS

Os textos das entradas aparecerán en tres idiomas: galego, castelán e inglés. Só unha razón: que os lean máis de catro familiares e tres amigas. Do paso de galego a castelán (ou viceversa) será culpable a autora, asesorada esporádicamente por J. L. Graña Muíño; e da versión inglesa encargarase o tradutor Marcos Graña Nogueira. A maioría das traducións non serán literais, senón libres, conservando, iso si, o estilo e o contido do orixinal.

A publicación das entradas en galego e castelán será simultánea; o ritmo da versión inglesa marcarao a dispoñibilidade do tradutor.

Irán etiquetadas por temas e por tipo de texto. Os distintos textos dun mesmo tema compartirán cor de letra e música de fondo.

Accede ás entradas antigas desde o fondo da páxina principal, desde o índice de etiquetas ou desde o arquivo do blog (nesta columna).

Algunhas imaxes son fotografías propias; as outras foron extraídas de Google. Se non fago referencia expresa dos autores, é polo complicado que se fai sabelo con exactitude en moitos casos. Todo o meu respecto e gratitude para eles.